हुमाकान्त पोखरेल
१४ पौष, गुल्मी । गुल्मीको रुरु गाउँपालिका वडा नम्बर ४ र ५ का एक सय आठ घरधुरीमा खानेपानीको धारा पुगेको छ । घरमा धारा पुगेसँगै पाचँ सय ५९ जना लाभाम्बित भएका छन् । ‘बलेटक्सार लिफ्टिङ खानेपानी तथा सरसफाई आयोजना’ले घरघरमै धारा पु¥र्याउन सफल भएको हो ।
‘एक घर एक धारा’ को शुक्रबार चीनका लागि नेपाली राजदुत तथा नेपाल सरकारका पुर्व मुख्यसचिव लिलामणी पौडेलले उद्घाटन गरे । घरमै धारा आएसँगै स्थानीयलाई घण्टौ लगाएर पानी ल्याउनुपर्ने बाध्यताको अन्त्य भएको छ । ‘धारा नहुँदै एक गाग्रो पानी लिन एक घण्टाभन्दा बढी लाग्थ्यो, घरमा अरु केहि पनि काम गर्न पाइने थिएन ।’ विगत सम्झदै रुरु ४ की माया खत्रीले भनिन्, ‘अहिले धेरै सहज भएको छ ।’ त्यसका साथै उनले घरमै पानी आउन थालेपछि आफूले तरकारी खेति लगायतका ब्यवसाय गर्न सुरु गरेको समेत बताइन् ।
अर्का उपभोक्ता कृष्णप्रसाद पौडेलले पनि घर–घरमै धारा आउनुले आफूहरु भाग्यमानि रहेको प्रतिक्रिया दिए । लामो समयसम्म भारतमा मजदुरी गरेका पौडेलले त्यहाँ उपल्लो तलासम्म पानी जाँदा आफ्नो गाउँको खानेपानीको अभाव सम्झने गरेको बताए । ‘विदेशमा मजदुरी गर्दा हाम्रो गाउँमा सपना हो जस्तो लाग्थ्यो ।’ उनले भने, ‘तर अहिले सपना विपनामा परिणत भएको छ ।’
एक बर्षमा आयोजना सम्पन्न
योजना आर्थिक बर्ष २०७३÷७४ मा सर्वेक्षण भई ०७४/७५ मा सम्पन्न भएको हो । आयोजनाका सचिव किसन पाण्डेले सबैको साथ र सहयोगले गर्दा एक बषै आयोजना सम्पन्न गर्न सफल भएको बताए । योजनाको लागि खानेपानी तथा सरसफाई डिविजन कार्यालय गुल्मीले ९१ लाख ६१ हजार ३२ रुपैँया ८० पैसा विनियोजन गरेको कार्यालयका इन्जिनियर प्रकाश न्यौपानेले जानकारी दिए ।
जनश्रमदान २४ लाख ८५ हजार तिन सय ७९ रपैँया ७४ पैसा गरी कुल एक करोड १६ लाख ४६ हजार चार सय १२ रुपैँया ५४ पैसामा आयोजना सम्पन्न भएको हो । कार्यक्रमको अवसरमा गाउँमै खानेपानी ल्याउन महत्पवूर्ण भूमिका खेलेको भन्दै खड्काटोलले युवानेता तथा ५ नम्बर प्रदेशका सामाजिक विकास मन्त्री सुदर्शन बरालका स्वकिय सचिव यदु ज्ञवाली र स्थानीय समाजसेवी भोजराज गौतमलाई सम्मान गरेका छन् ।
त्यस्तै योजना सम्पन्न गराउन निशुल्क जग्गा दिने जग्गादातालाई पनि आयोजनाको तर्फबाट सम्मान गरिएको छ । जसमा तारा बहादुर खड्का, इन्द्रकला ज्ञवाली, शम्भु प्रसाद पौड्याल, सितादेवी खत्री, दुर्गाप्रसाद ज्ञवाली, विष्णु प्रसाद ज्ञवाली र जमुना ज्ञवाली रहेका छन् । त्यस्तै खानेपानी आयोजनालाई बजेट उपलब्ध गराउन सहयोग गरेको भन्दै चिनका लागि नेपाली राजदुत तथा नेपाल सरकारका पूर्व मुख्यसचिव लिलामणी पौड्याल र रुरु गाउँपालिका अध्यक्ष निलकण्ठ गौतमलाई मायाको चिनो तथा सम्मान पत्रले सम्मान गरिएको छ ।
कार्यक्रमा बोल्दै प्रमुख अतिथि समेत रहेका पौडेलले घरघरमै आएको पानीको धारालाई उत्पादनसँग जोडि आत्मनिर्भर बन्न आग्रह गरे । ‘पानी थिएन, आयो, अब भौतिक सुख होइन, खुसि खोज्नुपर्छ ।’ उनले भने, ‘पानीलाई उत्पादनसँग जोडौँ आत्मनिर्भर बनौँ ।’
