गुल्मी, पुष २६ । गुल्मीको रुरुक्षेत्र बलेटक्सारमा खुल्ला ब्याडमिन्टन प्रतियोगिताको आयोजना हुने भएको छ । बलेटक्सार ब्याडमिन्टन क्लबको आयोजनामा हुने प्रतियोगिता माघ २ गतेबाट सुरु हुनेछ ।
बलेटक्सार ब्याडमिन्टन कभर्डहलमा हुने प्रतियोगिता ‘ए’ ग्रेड, ‘बी’ ग्रेड र भेट्रान विधामा प्रतिस्पर्धा हुनेछ ।’ए’ ग्रेडको विजेताले ३० हजार, उपविजेताले २० हजार, तेस्रोले १० र सान्त्वनाले ५ हजार प्राप्त गर्ने छन् ।
‘बी’ ग्रेडको विजेताले २० हजार, उपविजेताले १५ हजार, तेस्रोले ७ हजार र सान्त्वनाले ३५ सय प्राप्त गर्ने छन् । ४५ वर्षमाथि भेट्रानको विजेताले ५ हजार, दोस्रोले ३ हजार र तेस्रोले २ हजार पाउने छन् ।
यस्तै प्रतियोगितामा सहभागी खेलाडी मध्ये एक उत्कृष्ट खेलाडीले २५ सय प्राप्त गर्दा एक अनुशासित खेलाडीले २ हजार प्राप्त गर्ने आयोजकले जनाएको छ ।
