सन्जु काउछा
चैत ८ । गुल्मीमा खुल्ला क्रिकेट प्रतियोगिता आयोजना हुने भएको छ । जिल्लाको चन्द्रकोट ७ रुपाकोट स्थित रुपाकोट क्रिकेट क्लबले खुल्ला सेभेन्जर क्रिकेट प्रतियोगिता आयोजना गरेको हो । प्रतियोगिता यही चैत ११ र १२ गते रुपाकोट गहदेमा रहेको क्लबको खेल मैदानमा सन्चालन हुनेछ ।
प्रत्यक खेल ७ ओभरको खेलाईने प्रतियोगिता ५ जना बलर हुनु पर्नेछ । ७ जना खेलाडी र २ जना अतिरिक्त खेलाडी हुने प्रतियोगितामा एल.बि.डब्लु बाहेक आई.सी.सीका सम्पूर्ण नियमहरु लागु हुने आयोजक क्लबका बिमल भण्डारीले गुल्मीन्युजलाई बताए ।
प्रतियोगिताको बिजेताले २१ हजार रुपैँया नगद ट्रफी, मेडल र प्रमाणपत्र प्राप्त गर्नेछ । त्यस्तै उपबिजेताले १० हजार रुपैँया नगद सहित ट्रफी, मेडल र प्रमाणपत्र प्राप्त गर्ने आयोजकले जानकारी दिए ।
प्रतियोगितामा सहभागी हुन चहाने क्लब, समुह वा टिमले ९८०३९९०१५७, ९८११९७७७२२ वा ९८४३८२९९८७ मा संपर्क गरेर दर्ता गर्न सक्नेछन् । टिम दर्ता शुल्क ३ हजार रुपैँया रहेको जनाईएको छ ।
