gulminews logo
मंगलवार, २०७९ श्रावण २४

गुल्मीका तीन खेलाडी प्रदेश सरकारबाट सम्मानित

हुमाकान्त पाेखरेल
गुल्मी, ०६ साउन । ५ नम्बर प्रदेशकाे सामाजिक विकास मन्त्रालयले प्रदेशका विभिन्न विधाका उत्कृष्ठ खेलाडी तथा प्रशिक्षकहरूलाई सम्मान गरेकाे छ । आइटिएफ, तेक्वान्दो, क्रिकेट, कराँते लगायतका खेलकुद विधाका खेलाडीहरूलाई सम्मान गरेकाे हाे । जसमध्ये गुल्मीका तीन खेलाडीहरू सम्मानित भएका छन् ।

खेलाडीहरूलाई ५ नम्बर प्रदेशका सामाजिक विकास मन्त्री सुदर्शन बरालले नगद २५ हजार सहित प्रशंसा पत्रले सम्मान गरे । अाई.टि.एफ. तेक्वान्दो विधामा चन्द्रकाेट गाँउपालिका १ दिब्रुङका नवराज खरेल र रूरू गाँउपालिका ४ बलेटक्सारका भुवन श्रेष्ठ सम्मानित भएका छन् । भने क्रिकेटतर्फ गुल्मीको सत्यवति गाँउपालिका जुहाङ्गका सागर ढकाल सम्मानित भएका हुन् ।

खरेल विगत १५ बर्षदेखि राष्ट्रिय तथा अन्तराष्ट्रियस्तरमा हुने खेदकुद प्रतियाेगितामा सहभागी हुँदै आएका छन् । उनी आगमी भदाै ८ देखि १४ सम्म बुल्गेरियामा हुने विश्व च्याम्पियन सिपमा नेपालकाे तर्फबाट सहभागी हुँदैछन् । खरेलले गुल्मीमा २०६६ देखि ०७० सम्म पाँच बर्ष तेक्वान्दो खेलकाे प्रशिक्षककाे भुमिका निर्वाह गरेका थिए । हाल उनी ५ नम्बर प्रदेशकाे प्रादेशिक तेक्वान्दो संघका महासचिव तथा रूपन्देही जिल्ला प्रमुखको रूपमा कार्यरत छन् ।

तेक्वान्दो तर्फबाटै पुरस्कृत हुने श्रेष्ठले गत वैशाखमा सम्पन्न मुख्यमन्त्री कपमा स्वर्ण पदक जितेका थिए । उनी विगत पाँच बर्षदेखि खेलकुद क्षेत्रमा संग्लग्न छन् । त्यस्तै क्रिकेट खेलतर्फबाट सम्मानित हुने ढकाल पनि राष्ट्रिय तथा अन्तर्राष्ट्रियस्तरका खेलकुदमा सहभागी हुने गर्दछन् । यहि असारमा मलेसियामा भएकाे क्रिकेट खेलमा पनि सहभागिता जनाउनुका साथै वंगलादेश, भारत लगायतका देशमा भएका क्रिकेट खेलमा सहभागी हुँदै आएका छन्

यो पनि पढ्नुस्

गुल्मीमा सम्पन्न तेस्रो पटकको पुलचोक कपको उपाधि पनि आफ्नो पोल्टामा पार्दै सिद्धबाबाको ह्याट्रिक

टोपलाल अर्यालगुल्मी, १४ साउन । गुल्मीको तम्घासमा संचालन भएको तेस्रो पुलचोक कप फुटवलको उपाधि सिद्धबाबा

पछिल्ला अप्डेट

सिफारिस

error: जान्नेले जसरी नि चोर्छन/सार्छन्, नजान्नेलाई खुच्चिङ :D