गुल्मी, फागुन १० । बारम्बार ठगी लगायतका अपराध गर्दै जेल पर्दै गरेका गुल्मीका एक युवा फेरी ठगी आरोपमा पक्राउ परेका छन् ।
नक्कली इञ्जिनियर बनेर ठगी गर्दै हिँड्ने गर्दा गुल्मीका २८ बर्षिय महेन्द्र सुनार पक्राउ परेका हुन् । ठगी मुद्दामा जेल सजाँय कटाएर निस्केको एक महिनामै अर्को ठगी धन्दा सुरु गरेका मुसिकोट नगरपालिका वडा नम्बर–५ आँपचौरका सुनारलाई गुल्मी प्रहरीले पक्राउ गरेको हो ।
पछील्लो पटक सुनारले नक्कली ईन्जिनियर बनेर ठग्ने गरेको जानकारी पाएपछी उनलाई पक्राउ गरेर मुद्दा चलाईएको प्रहरीले जनाएको छ ।
सुनारले आफू पुन:र्निर्माण प्राधिकरणको इञ्जिनियर हुँ, भूकम्प पिडितहरुका घरहरु मुल्याङकन गर्न आएको हुँ भन्दै स्थानीय एक होटलमा बस्दै आएका थिए भने गाडी भाडामा लिएर हिँड्ने गरेका थिए ।
जिल्ला प्रहरी प्रमुख एसपी दिपककुमार बस्नेतका अनुसार सुनारबिरुद्ध मुद्धा दर्ता गरेर कारवाहीको प्रक्रिया अघि बढाइएको छ ।
सुनारले यस अघी बडागाउँमा गोठमा बाँधेको भैसी राती चोरी गरी काटेर बेचेका थिए । त्यस चोरी मुद्धामा उनले डेढ बर्ष जेल सजाय पुरा गरी निस्केका थिए ।
जेलबाट निस्केको केहि समय पछि नै वामीटक्सार बजारमा ‘मोवाइल पसल खोल्ने साहु हुँ,’ भन्दै धेरै जनासँग ठगी गरे पछि त्यहाँका वजारवासीले बाँधेर कालोमोसो दलेर बजार परिक्रममा गराउँदै प्रहरीलाई बुझाएका थिए । पछील्लो पटक भने उनले नक्कली ईन्जिनियर बनेर ठगी गरिरहेका थिए ।
