शिवलाल सुवेदी
गुल्मी, १ चैत । जिल्लाको मदाने गाउँपालिका वाझँकटेरीमा लुप्सी–वाझँकटेरी –म्यालपोखरी खानेपानीको एक कार्यक्रमका विच उद्घाटन गरिएको छ । गरिवी निवारण कोषको आर्थिक सहयोग तथा उत्पीडित उत्थान केन्द्र गुल्मीको प्राविधिक सहयोगमा सम्पन्न खानेपानी योजनाको एक कार्यक्रमका विच मदाने गाउँपािलका अध्यक्ष दान बहादुर केसीले उदघाटन गरेका हुन ।
उद्घाटन गदै कार्यक्रमका प्रमुख अतिथी रहेका केसीले गरिवी निवारण कोषले साच्चिकै गरिवहरुको घरदैलोमा पुगेर खानेपानीको समस्या समाधान गरेको भन्दै कोषलाई धन्यवाद दिएका छन । उक्त खानेपानी योजना १३ लाख रुपैयामा सम्पन्न भएको प्राविधिक सहयोगी सस्थाका अध्यक्ष कृष्ण सुनारले जानकारी दिए । लुप्सी–वाझँकटेरी –म्यालपोखरी खानेपानी योजनाले वाझँकटेरी र म्यालपोखरीका गरि २ सय भन्दा बढी घरधुरी लाभाम्भित भएका छन ।
उद्घाटन कार्यक्रममा प्रमुख अतिथी मदाने गाउँपालिका अध्यक्ष दानवहादुर केसी, उत्पीडित उत्थान केन्द्र गुल्मीका अध्यक्ष कृष्ण सुनार, उपाध्यक्ष दल बहादुर विक वडा न २ का अध्यक्षहरु माधव भुसाल र ४ का वडा अध्यक्ष भिम प्रसाद भट्टराई लगायतले शुभकामना ब्यक्त गरेका थिए । कार्यक्रम उपभोक्ता समितीका अध्यक्ष वोम बहादुर विकको अध्यक्षता सम्पन्न भएको थियो ।
