गुल्मी, ०७ भदौ । गुल्मीको चन्द्रकोट गाउँपालिकाले बजार अनुगमन गरेको छ । गाउँपालिकाले वडा नम्बर ८ साविकको तुराङ मजुवामा रहेका खाद्य, कपडा पसल, सुनचाँदी पसल, भाँडा पसल, होटल तथा पेय पदार्थ, एग्रोभेट, सिलाई लगायतका पसलमा अनुमन गरेको हो ।
पसल दर्ता भए-नभएको, सामग्री तौलिने तराजुको अवस्था, कर तिरे नरिएको, बिक्रिमा राखिएका सामग्रीको गुणस्तर लगायतको बारेमा अनुगमन गरिएको हो । अनुगमनका क्रममा केही पसलहरुमा साइन बोर्ड नराखेको, धेरै जसो पसलमा मुल्यसूचि नराखेको, ढक–तराजु बिग्रिएको समस्या देखिएका छन् ।
त्यस्तै म्याद सकिएका सामग्री विक्रिको लागि राखिएको, गाउँपालिकामा व्यवसाय दर्ता नगरेको, भ्याट बिल प्रयोग नगरेको, साईन बोर्ड नभएको जस्ता कमजोरी देखिएको गाउँपालिकाले जनाएको छ ।
गाउँपालिकाले यस अघी गाउँपलिकाको केन्द्र शान्तिपुर बजारमा पनि अनुगमन गरेको थियो ।
हेरौँ मजुवा बजारमा गरिएको अनुगमनको भिडियो:
