बुटवल, ५ मंसिर । चितुवाको छालासहित बुटवलबाट ४ जना पक्राउ परेका छन् ।
पक्राउ पर्नेमा रुपन्देही बुटवल उपमहानगरपालिका वडा नं ७ बस्ने बर्ष ३० को बिश्व भट्टराई, गुल्मी दरबार गाउँपालिका वडा नं ४ बस्ने बर्ष २२ को बिमल मगर, बर्ष २४ को संजिव पेमी र बर्ष १८ को बिशाल राना मगर रहेका छन् ।
उनीहरूको साथबाट दुर्लभ संरक्षित वन्य जन्तु चितुवाको छाला ६ फिट लम्बाई १ फिट ३ ईन्च चौडाई भएको १ थान बरामद भएको जिल्ला प्रहरी कार्यालय रूपन्देहीका सूचना अधिकारी तथा प्रहरी प्रवक्ता डिएसपी खड्क बहादुर खत्रीले बताए ।
बुटवल–९ स्थित इट्टाभट्टीमा रहेको विशाल होटल एण्ड रेष्टुरेण्टबाट शुक्रबार बिहान साढे १० बजेतिर उनीहरुलाई पक्राउ गरिएको इलाका प्रहरी कार्यालय बुटवलका प्रमुख डीएसपी प्रतितसिंह राठौरले बताए ।
