“मायालाई सुपारी, मै खाउँला चुईगम
रातभरी रोधीमा नाचम, पिरती गाँसम
भोली उज्यालो नहुँदै सुँईकम”
सन्जु काउछा
जेठ ०२ । नेपाली लोक साङ्गीतिक क्षेत्रका बहुप्रतिभावान स्रष्टा तथा गायक वैकुण्ठ महतको नयाँ गीत सार्वजनिक भएको छ । पछिल्लो समयमा फरक शैलीका लोक दोहोरी गीतहरु बजारमा ल्याउँदै आएका गायक महतले नयाँ गीत “सुपारी चुईगम” बजारमा ल्याएका हुन् ।
नेपाली लोक दोहोरी क्षेत्रकी स्थापित गायिका देवी घर्तीले महिला स्वर दिएको उक्त गीतको भिडियो पनि निकै राम्रो बनेको छ । बिन्ध्याबासिनी म्युजिक प्रालिको प्रस्तुती रहेको गीतमा लय तथा शब्द चर्चित सर्जक एक नारायण भण्डारीको रहेको छ ।
शंकर बि.सी. र रिना थापाको अभिनय रहेको भिडियोको छाँयाङ्कन दुर्गा पौडेलले गरेका छन् भने सम्पादन नवीन घर्ती मगरले गरेका छन् ।
गुल्मीमा जन्मेका गायक वैकुण्ठ महतको थुप्रै चर्चित गीतहरू यसअघी बजारमा ल्याईसकेका छन् । गायक महतका औंठी स्वयम्बरको, हाम्रो नेपाल र हामी नेपाली, लैझा रुमाल बैना, मागेजति बरदान पाको भा, जाउँ है माया बटौली गाउँतिर, दुई कुराले ठग्यो, मादल जस्ता थुप्रै गीतहरु चर्चित गीतहरु मध्य पर्दछन् ।
गायक महत सहित सम्पूर्ण “सुपारी चुईगम” टिमलाई सफलताको शुभकामना ।
हेरौँ भिडियो:
