सन्जु काउछा
साउन ०९ । गुल्मीको सत्यवती गाउँपालिकाकाको २ वटा वडामा गएको भीषण पहिरोको बारेमा गीत सार्वजनिक भएको छ । गत मंगलबार बिहान अबिरल बर्षासँगै गएको भीषण पहिरोमा परि सत्यवती गाउँपालिकाका वडा नं ३ र ४ मा १३ जनाको ज्यान गएको थियो । सोही घटनामा आधारित रहेर मार्मिक लोक गीत सार्वजनिक भएको हो ।
गायक सुनिल थापा र गायिका शान्ता पारीयारको स्वरमा “गुल्मी बढी पहिरो…….” बोलको गीत सार्वजनिक भएको हो । गायक सुनिल थापाकै शब्द र संगित रहेको गीत मन्जरी स्टुडियोमा रेकर्डिङ ईन्जिनियर रुबिन जि मगरले रेकर्ड गरेका हुन् ।
गीतको घटनाका तस्बिरहरु समेत समावेश गरी भिडियो पनि तयार पारीएको छ । बिक्रम काउचा मगरको निर्देशनमा तयार भएको भिडियोमा पिएन् साईला र सानी परियारले अभिनय गरेका छन् । बिसौनी कृयशन प्रालीको पोस्ट प्रोडक्शनमा तयार भएको भिडियो रुबिन जि मगरले सम्पादन गरेका छन् ।
गीतको भिडियोमा अत्यन्तै बिक्षिप्त दृष्यहरु प्रयोग भएकाले हामीले भिडियो हाम्रो साईटमा राख्न सकेनौँ । भिडियो सिधै युट्युबमा हेर्न सक्नुहुनेछ । त्यसको लागि यहाँ क्लिक गर्नुहोला ।
