शिक्षा

जनप्रतिनिधी र कर्मचारीका छोराछोरी नै निजीमा भर्ना भएको भन्दै विद्यार्थी संगठनको आपत्ति

हुमाकान्त पोखरेल
गुल्मी, ०९ वैशाख । जनप्रतिनिधी र कर्मचारीले नै आफ्ना छोराछोरी सामुदायिक विद्यालय छोडेर निजिमा भर्ना गराएको भन्दै रुरु गाउँपालिकाका विद्यार्थी संगठनहरुले आपत्ति जनाएका छन् ।

सोमबार गाउँपालिकाको शिक्षा शाखामा ज्ञापन पत्र बुझाउदैँ उनीहरुले यस्तो कार्य तत्काल बन्द गर्न समेत आग्रह गरेका छन् । ‘अहिले चलिहरको भर्ना अभियानमा जनप्रतिनिधी र कर्मचारी सक्रियताका साथ लाग्नुभएको छ । तर उहाँहरुका छोराछोरी नै निजि विद्यालयमा भर्ना हुनु दुखद पक्ष हो’, ज्ञापन पत्रमा भनिएको छ ।

श्रृङ्गेश्वर बहुमुखी क्याम्पसका स्ववियु सभापति किसन पाण्डे, अनेरास्ववियुका सुमित्रा अर्याल र अनेरास्ववियु क्रान्तिकारीका बालेन श्रेष्ठद्धारा हस्ताक्षरित ज्ञापन पत्रमा यहि वैशाख ११ गतेसम्म उक्त कार्य सच्याउन पनि आह्वान गरिएको छ ।

यदि विद्यार्थी संगठनहरुको यो आग्रहलाई वेवास्ता गरे गाउँपालिकाभित्रका सम्पूर्ण सामुदायिक विद्यालयहरु अनिश्चितकालिन बन्द गर्ने पनि विद्यार्थी संठनहरुले चेतावनी दिएका छन् ।

थप देखाउनुहोस्
यो पनि पढ्नुहोस्:
Close
Back to top button
error: जान्नेले जसरी नि चोर्छन/सार्छन्, नजान्नेलाई खुच्चिङ :D