गुल्मी, बैशाख २७ । गुल्मीको छत्रकोट गाउँपालिमा पहिलो पटक प्राबिधिक बिषय अध्यापन सुरु भएको छ ।आत्मबोध माध्यमिक बिद्यालय छत्रकोट गाउँपालिका बडा नम्बर ५ मानकोट गुल्मीमा यसै नयाँ शैक्षिकसत्रबाट कक्षा ९ देखी १२ सम्म सिभिल ईन्जिनियरिङ बिषय अध्यापन सुरु गरिएको हो ।
प्राबिधिक बिषय अध्यापन सुरु भए पछि अभिभावक बिध्यार्थी उत्साहित भएको बिध्यालय ब्यवस्थापन समितिका अध्यक्ष तुलसिराम पन्थले बताउनुभयो ।
प्राबिधिक बिषय अध्यापन गर्न सम्पुर्ण आवस्यक तयारी, जनशक्ती एवं पूर्वाधार प्रयाप्त भएको र विद्यार्थी संख्या पनि राम्रो रहेको प्रधानाध्यापक बिष्णु प्रसाद ज्ञवालीले बताउनुभयो ।
कक्षा ९ देखी १२ सम्म सिभिल ईन्जिनियरिङ्ग बिषय अध्यन गर्दा विद्यार्थीले १ हजार पुर्णङ्कको अध्यन गर्नेछन् । १२ कक्षा उत्तिर्ण हुँदा सम्म विद्यार्थीले सिप सहितको १२ उत्तिर्णको प्रमाणपत्र प्राप्त गर्नेभएकोले त्यसपछि साधारण र प्राबिधिक जुनसुकै बिषय रोजेर पढन पाउने भएकोले अभिभावक विद्यार्थीहरु आकर्षित भएको प्रधानाध्यापक ज्ञवालीले बताउनुभयो । -रुरु एफ.एम
