घाँस काट्न गएकी महिलालाई जबरजस्ती करणी गरेको अभियोगमा एक पक्राउ

सप्तरी, ५ असार । जबरजस्ती करणी गरेको अभियोगमा पक्राउ एक जना पक्राउ परेका छन् । ३१ वर्षीया बोल्न नसक्ने महिलालाई जबरजस्ती करणी गरेको अभियोगमा खड्क नगरपालिका-४ बस्ने ४५ बर्षीय मुस्तकिम मियालाई बुधबार दिउँसो प्रहरीले पक्राउ गरेको हो ।
घाँस काट्न गएको अवस्थामा सोही ठाउँस्थित आँपको बगैचामा जेठ २० गते जबरजस्ती करणी गरेको ईलाका प्रहरी कार्यालय कडोरवनाले जानकारी दिएको छ । खबर प्राप्त हुनासाथ ईलाका प्रहरी कार्यालय कडोरवनाबाट खटिएको प्रहरीले मियालाई पक्राउ गरेको प्रहरीले जनाएको छ ।