काठमाडौं, ३ चैत । भन्सार छलि ल्याएको सुन जस्तो देखिने पहेंलो धातु सहित त्रिभुवन अन्तर्राष्ट्रिय विमानस्थलबाट गुल्मीका एक ब्याक्ती पक्राउ परेका छन् ।
पहेँलो सुन जस्तो देखिने धातुको बाला २ थान र औंठी २ थान समेत गरी करिब १ सय ४० ग्राम पहेंलो धातु सहित गुल्मी छत्रकोट गाउँपालिका-१ पल्लीकोट बस्ने ४९ वर्षीय पदमपाठी पाण्डेलाई शनिबार राति प्रहरीले पक्राउ गरेको नेपाल प्रहरीले आफ्नो आधिकारिक वेबसाईट मार्फत जनाएको छ ।
त्रिभुवन अन्तर्राष्ट्रिय विमानस्थलको पार्किङ एरियामा दुबई एयरको उडानद्वारा आएका पाण्डेको साथमा उक्त धातु फेला पारेपछी प्रहरीले पक्राउ गरेको जनाईएको छ ।
यस सम्बन्धमा प्रहरीले आवश्यक अनुसन्धान गरिरहेको बताईएको छ ।
