गुल्मीन्युज
बर्दिया, १३ असार । आफ्नै श्रीमतीलाई कुटपिट गरी हत्या गरेको अभियोगमा एक जना पक्राउ परेका छन् । बर्दिया जिल्ला मधुवन नगरपालिका वार्ड नं ९ बस्ने ५० वर्षीय केशर बहादुर देशुवा मगरलाई बिहीबार साँझ प्रहरीले पक्राउ गरेको हो ।
मगरलाई आफ्नी ४५ वर्षीया श्रीमती दिलमाया देशुवा मगरलाई कुटपिट गरी हत्या गरेको अभियोगमा पक्राउ गरेको प्रहरीले बताएको छ ।
कुटपिट गर्दा बेहोश भएकी दिलमायाको जिल्ला अस्पताल बर्दियामा उपचारको क्रममा मृत्यु भएपछि प्रहरी चौकी तारातालबाट खटिएको प्रहरीले केशरलाई पक्राउ गरेको हो ।
यस सम्बन्धमा प्रहरीले थप अनुसन्धान गरिरहेको जनाएको छ ।
