सन्जु काउछा
बैशाख १० । छत्रकोट गाउँपालिकामा पार्टीले आफ्नो योग्यताको कदर नगरेको आरोप सहित नेकपा एमालेका एकजना नेताले पार्टी परित्याग गरेका छन् । छत्रकोट गाउँपालिका वार्ड नं ३ का वडा सदस्य समेत रहेका नेकपा एमाले छत्रकोटका सह इन्चार्ज बाबुराम अर्यालले पार्टी परित्याग गरेका हुन् ।
शुक्रबार एक बिज्ञप्ती जारी गर्दै अर्यालले पार्टीको साधारण सदस्य पनि नरहने गरी पार्टिका सबै जिम्मेवारीबाट अलग रहने जानाकारी गराए । उनले धन र मण्डले प्रवृत्तिको आडमा क्षमतावान र कर्तब्यनिष्ट पुरानो कार्यकर्ताको हुर्मत लिने काम नेतृत्वबाट दोहोरी रहेको समेत आरोप लगाए ।
अर्यालद्वारा जारी बिज्ञप्तीमा भनिएको छ, “वडा अध्यक्ष पदमा उम्मेद्वारी दिन म हर हिसाबले योग्य छु भनि उम्मेदवारमा खडा
भएकोमा मेरो उम्मेद्वारीलाई पार्टीको नेतृत्वबाट बहिस्कृत गरियो ।”
एमालेले आसन्न स्थानिय निर्वाचनको लागि छत्रकोट ३ बाट तेजकान्त अर्याललाई उम्मेदवार बनाएको छ ।
“पार्टीले दिएको दिएको संगठित सदस्य पार्टीलाइ नै फिर्तादिँदै अब उप्रान्त पार्टिका कुनैपनि जिम्मेवारीमा नरहने ब्यहोरा आम सर्वसाधारणमा जानकारि गराउँछु”, बिज्ञप्तीमा भनिएको छ ।
छत्रकोट गाउँपालिका वडा नं. ३ भालुपानी निवासी अर्याल झन्डै ३ दशक देखी एमालेको संगठित सदस्य रहँदै आएका थिए । उनी बिभिन्न कालखण्डमा गाउँकमिटी अध्यक्ष, इलाका कमिटी सचिव, छत्रकोट सह इन्चार्ज हुँदै वडासदस्यको जिम्मेवारीमा रहेका थिए ।
