अनिल खत्री
२५ असार, गुल्मी । गुल्मीको रेसुङ्गा बहुमुखी क्याम्पसको सञ्चालक समिति गठन भएको छ । जिल्ला सदरमुकाम तम्घासमा रहेको क्याम्पसको बुधवार ३४ औं क्याम्पस सभाले सहमतीमा ११ सदस्यि सञ्चालक समिति गठन गरेको हो ।
समितिको सदस्यमा राजेन्द्रप्रसाद श्रेष्ठ, दुर्गाप्रसाद पाण्डे,धर्म बिश्वकर्मा अर्जुनप्रसाद आचार्य, महेन्द्र भण्डारी, श्यामकुमार पाण्डेय, पूर्ण केसी, यज्ञप्रसाद पन्थी, हरिलाल न्यौपाने, बिष्णुप्रसाद पोखरेल, गंगादेवी पाण्डेय चयन भएका हुन् । राजनितिक भाग बन्डाका आधारमा सहमती गरेर नयाँ सञ्चालन समिति चयन गरिएको हो ।
गत पुसमा क्याम्पसको वार्षिक उत्सव र क्याम्पस सभाले नयाँ कार्य समिति चयन गर्नुपर्ने भएपनि निर्वाचन समिति गठन गरेर समय माग गरिएको थियो । सञ्चालन समितिले पहिलो बैठकबाट अध्यक्ष पदका लागि एकल नाम त्रिभुवन बिश्वबिद्यालयमा सिफारिस गर्ने रेसुङ्गा बहुमुखि क्याम्पसका क्याम्पस प्रमुख हरिबहादुर खत्रीले बताए ।
सिफारिस नाम स्वीकृत भएर आएपछि समितिको पूर्णता हुनेछ । केहि महिना अघि क्याम्पसले क्यूएए सर्टिफिकेट पनि प्राप्त गरेको छ ।
