अनिश शर्मा
गुल्मी, २३ कार्तिक । नेपाली काँग्रेस गुल्मी क्षेत्र नम्बर २ का उम्मेद्वारहरुले चुनावी प्रचार प्रसार कार्यक्रम आज मुसिकोट ४ आरुपाटा देखी हलोगाडे हुँदै आँपचौर सम्म पुर्याएका छन ।
बिकास काममा हुनुपर्छ भाषणमा होइन भन्ने बिशेष मान्यता सहित उनीहरुले घरदैलो कार्यक्रम गरेका जनाइएको छ ।
प्रतिनिधि सभा उम्म्द्वार चन्द्र केसी, प्रदेश सभा क का उम्मेद्वार शालीक पन्थी, पार्टी जिल्ला सभापति भुवन प्रसाद श्रेष्ठ, सचिब बिष्णु सापकोटा, पुर्व क्षेत्रीय सभापति दामोदर भुषाल, क्षेत्रीय सभापति भगत खड्का, क्षेत्रीय सचिब पुर्ण केसी, नेबिसंघका नेता रोशन सिँह ठकुरी तथा बिक्रम पन्थी सहितको टोली प्रचार अभियानमा छ ।
घरदैलोअभियानको क्रममा जनताहरुले खानेपानी, मोटरबाटो, बिद्यालयका समस्याहरुको बिषयमा उम्मेद्वारहरु सँग माग राखेका थिए भने उम्मेद्वारहरुले आफ्ना भावी योजनाहरु सँगै ती बिषयमा समाधान गर्ने कुरा बताएका थिए । कार्यक्रममा बोल्दै उम्मेद्वारहरुले आँपचौरको कफीलाइ अन्तराष्ट्रिय जगतमा निर्यात गरी समृद्धि स्थापित गर्ने, सडकहरुको स्तरोन्नती गर्ने, आधुनिक कृषिको माध्यमबाट ब्यबसायिक कृषि प्रणाली अबलम्बन गरी रोजगारी सिर्जना गरीने बताए ।
उनीहरुले अबको ५ बर्षमा युवाहरुले मासिक ३० हजार सम्मको रोजगारीको लागि बिदेश जानुनपर्ने अबस्था बनाउने बताएका थिए । उनीहरुले जिल्लालाइ बिकासमा नमुना बनाउने उद्धेश्य, योजना र कार्यनीति सहित आफुहरु चुनावमा होमिएको कारण जनताले मत दिनुपर्ने बताएका छन ।
