गुल्मी । मालिका गाउँपालिकाको आयोजनामा एक दिने आँखा तथा दन्तरोग शिविर सम्पन्न भएको छ । शिविरमा २ सय ५५ जनाको आँखा परिक्षण गरिएको छ । जसमा १७ जनामा मोतिया बिन्दुको समस्या देखिएको छ । उनीहरुलाई अप्रेशनको लागि बाहिर पठाउने सल्लाह भैरहेको गाउँपालिकाका स्वास्थ्य संयोजक बसन्त भुसालले बताए ।
त्यस्तै ७० बर्ष माथीका ३१ जनालाई बृद्ध बृद्धालाई निशुल्क चश्मा समेत वितरण गरिएको छ । शिविरमा १ सय ५० जना दन्त रोगीहरुको उपचार गरिएको छ । आँखा रोगको लागि नेपाल नेत्र ज्योति संघ गुल्मी र दन्त रोगको लागि राना डेन्टल होम तम्घासले प्राविधिक सहयोग गरेको थियो ।
शिविरमा नेत्र ज्योति संघका प्रमुख सुर्य बहादुर बस्नेत, बिर बहादुर कार्की, बिक्रम भुसाल तथा राना डेन्टलमा प्रोपाइटर दिपक रानाले बिरामीहरुको चेकजाँच गरेका थिए ।
शनिबार सम्पन्न शिविरबाट अर्खबाङ्ग, छापहिले, मरभुङ्ग, ह्वाङदी, दर्लिङ्ग र बाग्लुङ्गको बडिघाट गाउँपालिकाका नागरिकहरुले सेवा लिएका छन ।
