टोपलाल अर्याल
गुल्मी, १९ साउन । मदाने गाउँपालिका वडा नं १ अग्लुङ्गका बसन्त बोहारा माथी खुकुरी प्रहार भएको छ । मदिरा सेवन गरेका सोहि स्थानका बाबुराम चन्दले शनिबार राति खुकुरी प्रहार गरेको जिल्ला प्रहरी कार्यालय गुल्मीका प्रहरी नायव उपरिक्षक मीन घलेले बताए ।
उनीहरुबिच सामान्य बिबाद भएको थियो । गम्भीर घाइते बोहोराको टाउकोको पछाडी पट्टी चोट लागेको छ । उनको गुल्मी अस्पतालमा सामान्य उपचारपछि लुम्बिनी मेडिकल कलेज प्रभास रेफर गरिएको प्रहरीले जनाएको छ । खुकुरी प्रहार गर्ने चन्दलाई इलाका प्रहरी कार्यालय पुर्कोटदहको टोलीले नियन्त्रणमा लिएको थियो । अहिले घटनाको बिषयमा अनुसन्धान भइरहेकोे प्रहरी नायव उपरिक्षक घलेले बताए ।
