विवश विष्ट
गुल्मी, मदाने २५ । मदाने गाउँपालिकामा कृषि प्रदर्शनी गरिएको छ । मदाने गाउँपालिका गुल्मीको आयोजनामा गाउँपालिका स्तरीय कृषि तथा पशुपंक्षी मेला प्रदर्शनी २०७७ गरिएको हो ।
शनिबार पुर्कोटदह स्थित जनज्योति माविको प्राङ्गणमा कृषि तथा पशुपंक्षी प्रदर्शनी कार्यक्रम गरिएको छ । प्रदर्शनी मेलामा विभिन्न वडाहरुबाट सहभागी रहेको थियो । जसमा विभिन्न स्टलहरु राखी प्रदर्शन गरिएको थियो ।
कृषि ज्ञान केन्द्र गुल्मी र पृथ्वी मा वि को सह आयोजनामा भएको प्रदर्शनी मेलामा विभिन्न कृषकहरुले आआफ्नो बाली तथा पशु पंक्षीहरुको प्रदर्शन गरेका थिए । जसमा खाद्यान्न बाली, नगदे बाली, फलफुल बाली, तरकारी बाली, माहुरी, आलु, गाई, भैसी, बाख्रा, भेडा, बंगुर, कुखुरा, हाँस, कालिज, टर्की, माछा लगायतका विभिन्न कृषि तथा पशुपंक्षीको प्रदर्शन भएको गाउँपालिकाले जनाएको छ ।
कृषि तथा पशुपंक्षी प्रदर्शनी कार्यक्रममा १९५ कृषकको उपस्थितमा १९५ स्टल रहेको थियो । जसमा प्रथम १९ जना कृषकहरु, दोस्रोमा १९ जना कृषकहरु र तृतियमा १९ जना कृषकहरु भएका छन । उत्कृष्ट कृषकहरुलाई नगद रु १५००/१५०० र प्रमाणपत्र प्रदान गरिएको कृषि शाखा मदाने गाउँपालिकाले जानकारी दिएको छ ।
