गुल्मी, भदौ १३ । गुल्मीको चन्द्रकोट गाउँपालिकामा झुण्डिएको अवस्थामा एक जनाको शव फेला परेको छ । गाउँपालिकाको वार्ड नं ७ रुपाकोट र ८ तुराङलाई जोड्ने हुग्दीखोलाको पुलमुनि पहिचान नखुलेका एक जना पुरुषको शव फेला परेको हो ।
शुक्रबार दिउँसो कारीब ३ बजेतिर अन्दाजी ५० वर्षको जस्तो देखिने एक पुरुषको शव फेला परेको चन्द्रकोट गाउँपालिका वार्ड नं ८ की वडा सदस्य तथा मजुवाकी स्थानिय बासिन्दा रेणुका श्रीस मगरले जानकारी दिनुभयो । शवको दुबै खुट्टामा रगत बगेको देख्न सकिन्छ ।
चन्द्रकोट ७ का वडाध्यक्ष लक्ष्मी प्रसाद भण्डारीले पनि हुग्दीखोलाको पुल मुनी पहिचान नखुलेका पुरुषको शव झुण्डिएको अवस्थामा फेला परेको पुषटी गरे । साथै उनलाई चिन्नुहुने जो कसैले ९८५७०६४२४५ मा संपर्क गरेर जानकारी गराइदिनुहुन पनि अनुरोध गरे । यस सम्बन्धी जिल्ला प्रहरी कार्यालय तमघासको प्रहरी टोली आवश्यक अनुसन्धान गरिरहेको प्रहरीके जानकारी दिएको छ ।
