बिमल खड्का
बागलुङ, १९ पौष । मंगलबार आफन्तकाेमा भोज खान गएका बेला राजनीतिक विवाद हुँदा ढुङ्गा प्रहारबाट एकजना घाईते भएका छन् ।
बागलुङ जिल्लाकाे पश्चिम निसीखोला गाउँपालिका वडा -६ भल्कोटका अन्दाजी ३९ वर्षीय लालकुमार बुढाले हानेको ढुङ्गाले लाग्दा सोही ठाउँका २६ वर्षीय कुशल बुढा मगर गम्भीर घाईते भएका छन ।
निशिकाे भल्कोटकै रिनुबाङ भन्ने ठाउँमा भएको विहेभोजमा गएका उनीहरुबीच भनाभनपछि मंगलबार राति १० बजे ढुङ्गा प्रहार भएकाे निशी प्रहरी चौकीका प्रहरी सहायक निरीक्षक राजेन्द्र भुजेलले जानकारी दिएका छन ।
भुजेलले भने पिडित बुढाले बिहान अाएर उजुरी दिएर जानुभएकाे छ त्यस लगत्तै मैले मान्छे लिन पठाएकाे छु ।अहिले घाइते बुढा उपचारका लागि बुर्तिबाङ जानुभएकाे छ । थप ल्याएपछि खुल्ने उनले बताए ।
बुढाकाे उनको निधार र दाहिने हातमा गम्भीर चोट लागेको छ स्थानीय मेडिकलमा उपचार पछि थप उपचारका लागि बुर्तिबाङ ल्याउदै गरेकाे बताएको छ ।
सामान्य राजनीतिक विषयमा कुराकानी भईरहेको अवस्थामा रक्सीले मातेर आएका लालकुमारले एक्कासी ढुङ्गा हानेको स्थानीय बेलबहादुर बुढाले बताए ।
कुशल नेकपा माअाेवादि केन्द्रका केन्द्रीय अायाेजक समिति सदस्य हुन ।