गुल्मी, बैशाख ११ । गुल्मीको रेसुङ्गा नगरपालिका वडा नम्बर २ का वडा सदस्य शेर बहादुर विश्वकर्माले राजीनामा दिएका छन् । बैशाख ३० हुने स्थानीय तहको निर्वाचन फेरी वडा सदस्यमा उम्मेदवार बन्नका लागि राजिनामा दिएको विश्वकर्माले बताए ।
आफ्नो कार्यकालको पाँच वर्षमा गरेका कार्यहरुलाई निरन्तरता दिन र आगामी नयाँ विकास निर्माणका लागि जनचाहना अनुसार पुन वडा नम्बर २ को वडा सदस्यमा उम्मेदवारी हुने भएपछि राजिनामा दिएको विश्वकर्माको भनाइ छ । विश्वकर्माले आफ्नो पदबाट नगरप्रमुख भुसाल समक्ष राजिनामा दिएका हुन् ।
वडाको शिक्षा, स्वास्थ्य, कृषि, खानेपानी, सडक लगायतका क्षेत्रमा निरन्तर सुधारका कार्यहरु गरेको बताउँदै फेरी पनि जनभावना अनुसार पुनः वडा सदस्यमा उम्मेदवार बन्नका लागि राजिनामा दिएको विश्वकर्माले बताए । -रेडियो रेसुंगा
