गुल्मी, ८ मंसिर । पूर्व राजा ज्ञानेन्द्र शाह केही दिनको निजी भ्रमणको क्रममा गुल्मी सहित प्रदेश पाँचको बिभिन्न जिल्लाहरुको पुग्नु हुने भएको छ ।
यस क्रम पूर्व राजा शाह आगामी साता भैरहवा जाने कार्यक्रम तय भएको उहाँका निजी सचिव फणि पाठकले जानकारी दिनुभएको न्युज24 ले खबर छापेको छ । पूर्व राजा शाह भैरहवालाई मुकाम कायम गरेर गुल्मी सहित प्रदेशका ५ का पहाडी जिल्लाहरु पाल्पा र अर्घाखाँची जाने तयारी भइरहेको पनि बताइएको छ ।
भ्रमणका क्रममा उहाँले स्थानीयवासीसंग भेटघाट गर्नुका साथै बिभिन्न जिल्लामा रहेका धार्मिक स्थलहरुमा पनि पुग्नु हुने छ । भ्रमण कति दिनको हुने भन्ने विषयमा केही खुलाइएको छैन ।
