टोपलाल अर्याल
गुल्मी, १४ असार । गुल्मीको इस्मा गाउँपालिका २ का ३९ बर्षिय प्रेम बहादुर कार्कीलाई ११ बर्षिया बालिका बलात्कार गरेको आरोपमा प्रहरीले पक्राउ गरेको छ । मदिरा सेवन गरेका कार्कीले असार ११ बालिकालाई आफ्नै घरमा लगेर बलात्कार गरेको जिल्ला प्रहरी कार्यालय गुल्मीका असई सत्यनारायण यादवले बताए ।
आरोपितले पाँच बजेको समयमा आफ्नो घरमा पानीको पाइप जोडन गएकी बालिकालाई जवरजस्ती घरमा लगेर बलात्कार गरेर फरार भएका थिए । बालिकाको परिवारले आइतबार जिल्ला प्रहरी कार्यालयमा उजुरी दर्ता गरे । खोजतलास गर्दै जाँदा तम्घासको धागीथुममा लुकेर बसेको अवस्थामा कार्कीलाई प्रहरीले पक्राउ गरेको असई यादवले बताए ।
अदालतबाट म्याद थप गरि बाँकी अनुसन्धानको काम भैरहेको प्रहरीले जनाएको छ । बालिकाको जिल्ला अस्पताल तम्घासमा स्वास्थ्य परिक्षण गरिएको थियो ।
