गुल्मी, भदौ २६ । नेकपा समाजवादी पार्टी (नेसपा) गुल्मीले आगामी मंसिर ४ गते हुने निर्वाचनको लागि उम्मेदवार सिफारिस गरेको छ । पार्टीको जिल्ला समन्वय समिती गुल्मीको शनिबार बसेको बैठकले प्रत्यक्ष तर्फ दुबै निर्वाचन क्षेत्रका लागि उम्मेदवारहरु सिफारिस गरेको हो ।
प्रतिनिधि सभा क्षेत्र नं. १ बाट मदाने गाउँपालिका ६ का राजेन्द्र जि.सी. र क्षेत्र नं २ का लागि धुर्कोट गाउँपालिका २ का गणेश कुँवर सर्वसम्मत चयन भएका छन् ।
त्यस्तै प्रदेश सभा तर्फ निर्वाचन क्षेत्र नं १ “क” का लागि खड्ग बोहोरा र “ख” का लागि सरोज गुरुङ लाई सिफारिस गरेको नेसपाका केन्द्रिय समिती सदस्य तथा उम्मेदवार चयन समिती संयोजक गणेश कुँवरले गुल्मीन्युज डट कमलाई जानकारी दिए ।
निर्वाचन क्षेत्र नं २ प्रदेश “क” तर्फ बास बहादुर थापा र “ख” तर्फ खडग वि.क.लाई सिफारिस गरेको पनि पार्टीले जनाएको छ ।
