काठमाडौं, भदौ २ । नियन्त्रित लागूऔषध सहित गुल्मीका एक युवा पक्राउ परेका छन् । नवलपरासी (पूर्व) विनयीत्रिवेणी गाउँपालिका-१ स्थित सडकबाट गुल्मीका एक सहित रुपन्देहीका अर्का एकजना पनि पक्राउ परेका छन् ।
नियन्त्रित लागूऔषध ४ सय ९० एम्पुल डाईजेपाम, ४ सय ९९ एम्पुल फेनारगन र ४ सय ८२ एम्पुल ब्रुपेनुर्फिन सहित उनिहरु २ जनालाई बुधबार दिउँसो प्रहरीले पक्राउ गरेको हो । पक्राउ पर्नेहरूमा गुल्मी सिर्सेनीका ३० वर्षीय प्रेम बहादुर भुसाल र रुपन्देही लुम्बिनी सांस्कृतिक नगरपालिका-१० का २९ वर्षीय सोम बहादुर भण्डारी रहेको प्रहरीले जनाएको छ ।
लु.१ ज ३९४८ नम्बरको कारलाई ईलाका प्रहरी कार्यालय दुम्किवासबाट खटिएको प्रहरीले जाँच गर्नेक्रममा कारमा सवार उनीहरूलाई उक्त लागूऔषध सहित फेला पारी पक्राउ गरेको हो ।
यस सम्बन्धमा प्रहरीले थप अनुसन्धान गरिरहेको प्रहरीले जनाएको छ ।
