गुल्मी, बैशाख १० । छत्रकोट गाउँपालिका वार्ड न ४ का वडा सदस्य चुण्ड प्रसाद कंडेलले पदबाट राजिनामा दिएका छन् । नेकपा एमालेबाट निर्वाचित वडा सदस्य कंडेलले आफु निर्वाचनमा खटिन पर्ने कारण देखाउँदै शुक्रबार गाउँपालिकामा राजिनामा बुझाएका हुन् ।
कंडेलले आफु वहालवाला जनप्रतिनिधि पार्टीको प्रचार प्रसारमा सहभागी हुँदा पदको दुरुपयोग हुने देखिएकोले वडा सदस्य पदबाट राजिनामा दिएको उनको रजिनामापत्रमा जनाईएको छ ।
उनले आफू पुन: जनप्रतिनिधिको रुपमा दोहोरिन सक्ने समेत बताएका छन् यद्यपी अहिले सम्म उनलाई पार्टिले आसन्न निर्वाचनको लागि कुनै पनि पदको उम्मेदवार भने तोकेको छैन ।
