गुल्मीन्युज
गुल्मी, जेठ ०१ । गुल्मीको चन्द्रकोट गाउँपालिका वडा नं ८ को वडाध्यक्ष पदमा एमाले र गठबन्दनका उम्मेदवारबिच रोचक प्रतिस्पर्धा भएको छ । भर्खरै सम्पन्न स्थानिय निर्वाचन २०७९ को मतगणनामा ३०० मत गन्दा सम्म नेकपाका एमालेका उम्मेदवार लक्ष्मी लक्ष्मी गौतम र गठबन्दनका तर्फबाट साझा उम्मेदवार नेपाली कांग्रेसका फणीन्द्रराज अर्याल बिच जम्मा १८ मतको अन्तर रहेको छ ।
३०० मत गनिसक्दा गठबन्दनका अर्यालले नेकपा एमालेका गौतमलाई १८ मतले पछी पार्दै गौतमको सुरुवाती अग्रतालाई तोडेका छन् । गौतमले १३६ मत प्राप्त गर्दा अर्यालले १५४ मत प्राप्त गरेका छन् ।
गठबन्धन तर्फका उम्मेदवारहरुले महिला सदस्यमा १४७, दलित महिला सदस्यमा १४९, खुला सदस्यमा १६० र अर्का खुला सदस्यमा १४३ मत प्राप्त गरेका छन् । त्यस्तै एमालेका उम्मेदवाहरुले महिला सदस्यमा १३९, दलित महिला सदस्यमा १४१, खुला सदस्यमा १३० र अर्का खुला सदस्य पदमा १२८ मत प्राप्त गरेका छन् ।
