विवेक क्षत्री
गुल्मी, जेठ ०१ । गुल्मीको चन्द्रकोट गाउँपालिकामा प्रमुख पदका लागि गठबन्दका उम्मेदवार युबराज के.सीले आफ्नो अग्रतालाई थप फराकिलो बनाउँदै लागेका छन् । गठबन्दनका साझा उम्मेदवार मओबादी एकीकृतका के.सीले १ हजार ७ सय ३८ मतको अग्रता लिएका छन् ।
पछील्लो अप्डेट अनुसार ४ हजार ८ सय ७९ मत गनिसक्दा के.सीले ३ हजार ६० मत ल्याएका छन् । उनका प्रतिस्पर्धी नेकपा एमालेका चेतन बस्नेतले १ हजार ३ सय २२ मत प्राप्त गरेका छन् ।
उता उपप्रमुखमा गठबन्धनकै बिष्णु प्रसाद भण्डारीले अग्रता लिएका छन् । नेपाली कांग्रेसका भण्डारीले रुख चिन्हमा २ हजार ५ सय ३८ मत ल्याएका छन् । भण्डारीका निकटतम प्रतिद्वन्दी एमालेकी राधिका अर्यालले १ हजार ६ सय ७० मतका साथ भण्डारीलाई पछ्याईरहेकी छन् ।
