गुल्मीन्युज
गुल्मी, बैशाख ३१ । गुल्मीको चन्द्रकोट गाउँपालिकामा प्रमुख पदका लागि गठबन्दका उम्मेदवार युबराज के.सीले फराकिलो अग्रता बनाएका छन् । गठबन्दनका के.सीले १ हजार ५ सय मत भन्दा बढी मतको अग्रता लिएका छन् ।
पछील्लो अप्डेट अनुसार ३ हजार ५ सय ४६ मत गनिसक्दा के.सीले २ हजार ३ सय ६१ मत ल्याएका छन् । उनका प्रतिस्पर्धी नेकपा एमालेका चेतन बस्नेतले ८ सय छ मत प्राप्त गरेका छन् ।
उता उपप्रमुखमा गठबन्धनकै बिष्णु प्रसाद भण्डारीले अग्रता लिएका छन् । भण्डारीले १ हजार ९ सय ९ मत ल्याएका छन् । भण्डारीका निकटतम प्रतिद्वन्दी एमालेकी राधिका अर्यालले १ हजार ९३ मतका साथ भण्डारीलाई पछ्याईरहेकी छन् ।
