गुल्मी, असार २५ । गुल्मेली स्रष्टा तथा संस्कृतिकर्मी बैकुण्ठ रायमाझीको नयाँ लोक दोहोरी गीत ‘पिरतीमा फूलबुट्टा भरेर’ सार्वजनिक गरिएको छ। जसमा स्वर चर्चित गायकद्वय तिलक बस्नेत र शान्तिश्री परियारको रहेको छ भने शब्द संयोजन स्वयं बैकुण्ठ रायमाझीले गर्नुभएको हो।
मौसम हिमालीले निर्देशन गर्नुभएको म्युजिक भिडियोमा अभिनय चर्चित मोडल तथा अभिनेता हरिश निरौला ‘कक्रोज’ र करिष्मा ढकालको रहेको छ।
विदेशी भूमिलाई कर्मथलो बनाए पनि नेपाली मौलिक लोक संस्कृतिको संरक्षण र प्रवर्द्धनमा महत्वपूर्ण भूमिका निर्वाह गर्दै आउनुभएका रायमाझीका यस अघि पनि थुप्रै सिर्जनाहरू सार्वजनिक भइसकेका छन्।
हेरौँ भिडियो:
