सन्जु काउछा
गुल्मी, कार्तिक ०६ । गायक बैकुण्ठ रायमाझीले नयाँ मैउलिक सोरठी भाका “गुल्मेली सोरठी भाग-२” बजारमा ल्याएका छन् । सेरोफेरो नेपालको प्रस्तुती रहेको सोरठी रायमाझीले लील सुगम सुगमको साथमा संयुक्त रुपमा बजारमा ल्याएका हुन् ।
लील सुगम छन्त्याल, बैकुण्ठ रायमाझी र टिका पुनको सुमधुर स्वर रहेको सोरठी भाका सेरोफेरो नेपालको आफ्नै युट्युबमा आईतवार सार्वजनिक भएको हो ।
लील सुगम छन्त्यालको शब्द संकलन गरेको गीतको भिडियो पनि उत्कृष्ट बनेको छ । गीतको भिडियोलाई लोकेन्द्र शाहले निर्देशन गरेका छन् । मनिष पन्थले छाँयाकन तथा सम्पादन रहेको भिडियोमा उज्वल गिरी, बबिता धिताल र अनिशा गौतम लगायतले अभिनय गरेका छन् ।
गुल्मीको मुसिकोटमा जन्मेर विदेशी भूमिलाई कर्मथलो बनाए पनि नेपाली मौलिक लोक संस्कृतिको संरक्षण र प्रवर्द्धनमा महत्वपूर्ण भूमिका निर्वाह गर्दै आएका रायमाझीका यस अघि पनि थुप्रै सिर्जनाहरू सार्वजनिक भइसकेका छन् ।
