गुल्मीमा ४० बर्षिया महिलालाई जबरजस्ती करणी गरेको अभियोगमा १८ बर्षिय युवा पक्राउ

गुल्मी, साउन २३ । ४० वर्षीया महिलालाई जबरजस्ती करणी गरेको अभियोगमा गुल्मीमा एक युवा पक्राउ परेका छन् । जिल्लाको मालिका गाउँपालिका वार्ड नं ७ सिलादी बस्ने १८ वर्षीय ति युवालाई शनिबार दिउँसो प्रहरीले पक्राउ गरेको हो ।

उनले ती महिलालाई मालिका गाउँपालिका-६ राहले कुमाल पंधेराको जंगलमा शुक्रबार साँझ जबरजस्ती करणी गरेको भन्ने खबर प्राप्त हुनासाथ प्रहरी चौकी मर्भुङबाट खटिएको प्रहरीले उनलाई पक्राउ गरेको हो ।

यस सम्बन्धमा प्रहरीले थप अनुसन्धान गरिरहेको जनाएको छ ।