मनोज कार्की
गुल्मी, असोज ११ । गुल्मी जिल्लाको मालिका गाउँपालिका वडा नम्बर ७ घमिरको वडा कार्यालय शनिबार राती तोडफोड गरि कार्यलयको ल्यापटप र नगद चोरी भएको छ ।
शुक्रबार कर्मचारी वडाको कार्यालय बन्द गरी घरमा गएको समय पारी अज्ञात समुहले राती वडा कार्यालयको ढोका तोडफोड गरि कार्यालयको १ ल्यापटप, नगद ६० हजार चोरी भएको मालिका गाउँपालिका वडा नं ७ घमिरका वडा अध्यक्ष बेद प्रसाद पन्थीले जनाकारी दिए ।
आईतबार कार्यालय समयमा वडा कार्यालय खोल्दा जाँदा कार्यालयको ताला फोरीएको देखेपछि कार्यालयका नि. सचिब मनिराम पन्थीले वडा अध्यक्ष देखि प्रहरीलाई खबर गरेका थिए । चोरी घटनाको खबर प्राप्त भएपछि मर्भुङ्ग प्रहरी टोली वडा कार्यालयमा पुगि घटनाको मुचुल्का तयार पारी अनुसन्धान शुरु गरेको जनाएको छ ।
घमिरको भानुपोखरा बजार नजिकै चोरीको घटना हुदाँ स्थानीय बासिमा त्रास फैलिएको छ । पौष ९ गते घमिरकै वडा कार्यालय तोडफोड गरिएको थियो भने माघ ८ गते भानुपोखरा बजारमा रहेको देबिस्थान मोबाईल पसल पनि चोरी भएको थियो । पछिल्लो समय घमिरको वडा कार्यालय देखि बिभिन्न स्थानमा चोरीका घटना घटिरहेका छन् ।
पछिल्लो समय घमिरमा चोरी र तोडफोडका घटना दिनप्रतिदिन बढ्दो क्रममा छन तर अहिले सम्म कुनै घटनाको दोषी अहिले सम्म पत्ता लाग्न सकेको छैन ।
