मनोज कार्की
गुल्मी, कात्तिक १८ । गुल्मी जिल्लाको मालिका गाउँपालिका वडा नम्बर ८ सिमलटारी वडा कार्यालय तोडफोड गरि कार्यलयको ल्यापटप चोरी भएको छ ।
आइतबार कर्मचारी वडाको कार्यालय बन्द गरि घरमा गएको समय पारी अज्ञात समुहले वडा कार्यालयको ढोका तोडफोड गरि कार्यालयको १ थान ल्यापटप चोरी गरेको वडा अध्यक्ष टिका बहादुर जिसिले जनाकारी दिनुभयो । यसरी वडा कार्यालयहरुमा घटेका घटनाले जनता र आफुहरु त्रसित बनेको वडा अध्यक्ष जिसिले बताए ।
सोमबार कार्यालय समयमा कार्यलय सहयोगी तुल्सा रानाले वडा कार्यालय खोल्दा कार्यालयको ताला फोरीएको देखेपछि वडा अध्यक्ष खबर गरी अध्यक्षले प्रहरीलाई खबर गरेका थिए । चोरी घटनाको खबर प्राप्त भएपछी मर्भुङ्ग प्रहरी टोली वडा कार्यालयमा पुगि घटनाको मुचुल्का तयार पारी अनुसन्धान भइरहेको जनाएको छ ।
घमिरको भानुपोखरा बजार नजिकै चोरीको घटना हुँदा स्थानीय बासिमा समेत त्रास फैलिएको छ । २०७६ साल पौष ९ गते घमिरकै वडा कार्यालय तोडफोड गरिएको थियो भने माघ ८ गते भानुपोखरा बजारमा रहेको देबिस्थान मोबाईल पसल पनि चोरी भएको थियो । पछिल्लो समय वडा कार्यालय देखि बिभिन्न स्थानमा चोरीका घटना घटिरहेका छन् ।
पछिल्लो समय मालिका गाउँपालिका वडा तथा पसलहरुमा चोरी र तोडफोडका घटना दिनप्रतिदिन बढ्दो क्रममा छन तर अहिले सम्म कुनै घटनाको दोषी अहिले सम्म पत्ता लाग्न सकेको छैन ।
