टोपलाल अर्याल
गुल्मी, १ माघ । मालिका गापा १ नेटाको जैसीपोखरामा माघी मेला सम्पन्न भएको छ । मंगोलियन युवा क्लवको आयोजनामा मेला आयोजना गरिएको थियो । मेलाको अवसरमा पुस २९ गतेदेखि संचालन भएको भलिवल प्रतियोगीतामा ८ समुहको सहभागीता रहेको थियो । प्रतियोगीतामा तुल्सी स्मृति युवा क्लव बिजेता बनेको छ ।
त्यस्तै आयोजक मंयोलियन युवा क्लवको ए समुहले भने उपबिजेतामै चित्त बुझायो । बिजेता समुहले ८ हजार प्रमाण पत्र र उपबिजेताले ५ हजार र प्रमाण पत्र पाएका छन् । बिजेता समुहलाई पुरस्कार प्रदान गर्दै प्रमुख अतिथी वडाध्याक्ष इन्द्र बहादुर घर्तिले संस्कृति संरक्षणसंगै खेलकुदको क्षेत्रमा युवा समुहले देखाएको सक्रियाताको प्रसंसा गर्नुभयो ।
साथै घैटोफोर प्रतियोतितामा हिमाल विश्वकर्मा उत्कृष्ट भएका छन् । स्थानीय मौलिक भैलो नाच तथा साँस्कृतिक कार्यक्रम समेत प्रस्तुत गरिएको थियो ।
क्लवका अध्यक्ष रनमाया पुनको अध्यक्षता रहेको कार्यक्रमको संचालन सचिव ढाल बहादुर बाहोराले गर्नुभएको त्यहाँबाट मिना विश्वकर्माले खबर पठाउनुभएको छ ।
