बुटवल, ३१ असौज । गुल्मी चन्द्रकोट गाउँपालिकाका वडा नम्वर ८ का मधुकर अर्याललाई गुल्मी समाज अष्ट्रेलिया भिक्टोरियाले आर्थिक सहयोग गरेको छ । अर्याल मानसिक रोगबाट ग्रसित भएपछि उपचारकोलागि गुल्मी समाज अष्ट्रेलिया भिक्टोरियाले आर्थिक सहयोग गरेको हो ।
मधुकारको घरको आर्थिक अवस्था कमजोर भएकोले उनको जीवन रक्षाकोलागि अष्ट्रिेलियामा रहेका युवाहरुले अार्थिक सहयोग गरेको गुल्मी समाज अष्ट्रेलिया भिक्टोरियाका राजन पोखरेलले बताउनु भएको छ । पोखरेलले मधुको लागि रु ८० हजार पठाएको बताउनु भयो ।
उक्त रकम एक कार्यक्रमका विच मधुकरकी आमा गंगा अर्याललाई हष्तान्तरण गरिएको छ । वडा नम्वर ८ को कार्यालयमा चन्द्रकोट गाउँपालिकाका वडा नम्वर ८ तुराङका सचिव लोकनाथ पोखरेलको रोहवरमा वडा अध्यक्ष नन्दराम अर्यालले चेक हष्तान्तरण गर्नु भएको हो ।
जन्मभूमि छोडेर परदेश पसेका युवाहरुले दुख गरि कमाएको पैसा संकलन गरि नेपालका विरामी युवाहरुको उपचारकोलागि पठाउनु अत्यन्त सरानिय काम भएको सचिव पोखरेलले बताउनु भएको छ ।
रोजगारीकोलागि भारतमा रहेका अर्याल मानसिक सम्स्या भएपछि नेपालमै उपचाररत छन । घरको अार्थिक अवस्था कमजोर रहेको र उनका वुवाको निधन भईसकेको हुँदा तुराङबाट रोजगारीका लागि परदेश गएका युवाहरुले अार्थिक सहयोग गरिरहेका छन् । पराईको भुमिमा वसेको भएपनि नेपाली दाजुभाईलाइ सक्दो सहयोग गर्न पाउँदा आफ्नो सामाजिक उत्तरदायित्व पुरा गरेको महशुस हुने अष्ट्रेलियामा रहेका राजन पोखरेलले बताउनु भएको छ । -लुम्बिनी टाइम्सबाट
