प्रेम सुनार
बुटवल, मंसिर १४ । गुल्मीको धुर्कोट गाउँपालिामा मंसिर ११ गते दिउँसो एक जना युवा काकी पर्ने महिलालाई बलात्कार गरेको आरोपमा पक्राउ परेका छन् । सो गाउँपालिका वडा नम्वर ६ का ३५ बर्षिय नमहरि पन्थी ५२ बर्षिया काकीलाई बलात्कार गरेको आरोपमा पक्राउ परेका हुन् ।
यो पनि पढ्नुस्: खुकुरी देखाउदै १३ बर्षिया नातिनी बलात्कार गर्ने ७० वर्षीय हजुरबुवा पक्राउ
काकी बलात्कार गर्न लागेको थाह पाई गाउँवासी र प्रहरीले समात्न खोज्दा भाग्ने क्रममा उनि भिरबाट लडेर करङ्ग लगायतका हड्डी भाँचिएर गम्भीर घाईते भई अस्पताल भर्ना भएका छन् । निजलाई प्रहरीले घाईते अबस्थामा पक्राउ गरी निगरानीमा राखेर अस्पतालमा उपचार गराई रहेको जिल्ला प्रहरी प्रमुख एसपी दिपककुमार बस्नेतले जानकारी दिए ।
बस्नेतका अनुसार बाटो हिँडेकी काकीलाई खाना पाकेको छ आउनुस खाएर जानु होला भन्दै घर भित्र बोलाएर बलात्कार गर्न लाग्दा ती काकी चिच्चाएर गुहार मागेपछि गाउँवासी जम्मा भई समात्ने प्रयास गरेका थिए । भाग्दै जाने क्रममा लडेर गम्भीर घाईते उनलाई अस्पतालबाटै अनुसन्धान प्रकृया अगाडी बढाईएको एसपी बस्नेतले बताए ।
