अपराध

२ वटा मोटरसाइकल चोरी भाग्दै गरेको अवस्थामा दुई जना पक्राउ

पर्सा, २४ जेठ । वीरगंज महानगरपालिकाको विभिन्न स्थानहरुबाट मोटरसाइकल चोरी गरी भाग्दै गरेको अवस्थामा २ जनालाई बिहीबार प्रहरीले पक्राउ गरेको छ । पक्राउ पर्नेहरुमा सोही महानगरपालिका-१० का २६ बर्षीय अम्मेन्द्र कुमार पटेल र सोही महानगरपालिका-२० का २७ बर्षीय धिरेन्द्र महतो रहेका छन् ।

बिहीबार दिउँसो फरक फरक समयमा मोटरसाईकल चोरेका दुईजना पक्राउ परेका हुन् । बिरगंज महानगरपालिका १० र ११ मा पार्किङ गरी राखिएका ना.५५.प ७१७४ र ना.४.प ४०५७ नम्बरका मोटरसाइकल लक तोडी चोरी भएको प्रहरीले जनाएको छ । चोरीको सूचना प्राप्त हुनासाथ जिल्ला प्रहरी कार्यालय पर्साबाट खटिएको प्रहरी टोलीले पटेललाई आदर्शनगरबाट र महरतोलाई रानीघाटबाट पक्राउ गरेको हो ।

यस सम्बन्धमा प्रहरीले थप अनुसन्धान गरिरहेको बताएको छ ।

थप देखाउनुहोस्
Back to top button
error: जान्नेले जसरी नि चोर्छन/सार्छन्, नजान्नेलाई खुच्चिङ :D
Close

Adblock Detected

Please consider supporting us by disabling your ad blocker