शिक्षासमाचार

रेसुंगा बहुमुखी क्याम्पसलाई अंगिक क्याम्पसको मान्यता

गुल्मी । गुल्मीको रेसुंगा बहुमुखी क्याम्पसले अंगिक क्याम्पसको मान्यता पाएको छ । मध्यपश्चिमान्चल विश्वविद्यालयले रेसुंगा बहुमुखी क्याम्पस सहित १० वटा सामुदायिक क्याम्पसलाई आंगिक क्याम्पसको मान्यता दिएको छ ।

विश्वविद्यालयको आइतबार काठमाडौंमा सम्पन्न आठाैं साधारण सभा (सिनेट बैठक) ले १० वटा सामुदायिक क्याम्पसलाई आंगिक क्याम्पस बनाउने निर्णय गरेको हो ।

विश्वविद्यालयले सुर्खेतको गुर्भाकाटको बहुमुखी क्याम्पस सुर्खेत, चामुण्डा क्याम्पस र कोटदेवल जनआदर्श क्याम्पस दैलेख, सिंजा बहुमुखी क्याम्पस जुम्ला, रेसुङ्गा बहुमुखी क्याम्पस गुल्मी, पाँडुली बहुमुखी क्याम्पस अर्घाखाँची, सिद्धार्थ क्याम्पस कपिलवस्तु, शहीद नारायणप्रसाद रामापुर क्याम्पस रुपन्देही, शितल बहुमुखी क्याम्पस चौरजहारी,रुकुम तथा चतुर्वेद हिरापूर्ण क्याम्पस मुगुलाई आंगिक क्याम्पस बनाउने निर्णय गरेको हो ।

विश्वविद्यालयका रजिष्ट्रार डा. महेन्द्रकुमार मल्लले आजको बैठकले नीति तथा कार्यक्रम पनि पारित गरेको जानकारी दिनुभयो ।

नीति तथा कार्यक्रममा विशेष गरी संंकायको विस्तार गर्ने र यो वर्षदेखि कानुन र कृषि विषयमा संकाय सञ्चालन गर्ने नीतिगत निर्णय गरेको उहाँले बताउनुभयो ।

विश्वविद्यालयले चालु आर्थिक वर्षका लागि १ अर्ब १६ करोड बराबरको बजेट ल्याएको छ ।

थप देखाउनुहोस्
यो पनि पढ्नुहोस्:
Close
Back to top button
error: जान्नेले जसरी नि चोर्छन/सार्छन्, नजान्नेलाई खुच्चिङ :D