रुपन्देहीमा गोली हानी व्यवसायीको हत्या, मनोज पुनले लिए जिम्मा

बुटवल, २१ पुस । रुपन्देहीको देबदहमा एक जनाको गोली हानी हत्या भएको छ ।

अज्ञात समूहले स्थानीय बलु भनिने बसन्त पौडेलमाथि गोली हानेको थियो । पौडेलको टाउकोमा गोली लागेको थियो । उनको लुम्बिनी अञ्चल अस्पतालमा उपचारका क्रममा मृत्यु भएको छ ।

मोटरसाइकलमा आएको समूहले गोली हानेर रोहिनी खोलातिर भागेको बताइएको छ ।

घटनापछि मनोज पुनले स्थानीय सञ्चारकर्मीहरुलाई फोन गरी आफ्नो समूहले गोली हानेको दाबी गरेका छन् । दुर्गा तिवारी हत्याकाण्डका अभियुक्त पुन फरार छन् ।

मृतक फर्निचर व्यवसायी हुन् । -अन्लाईन खबरबाट