समाचार

मैले अरुले जस्तो प्रचारबाजी र फेसबुकबाजी गर्दिन, बिकास गर्छु: एमाले नेता ज्ञवाली

प्रेम सुनार
गुल्मी, कार्तिक ६ । आफ्नो र वामगठबन्धनको चुनावी महौल बनाउन गुल्मी आई पुगेका नेकपा एमालेका सचिव प्रदिपकुमार ज्ञवालीले आफुले विकास प्रचारमा र सरकारी कार्यालयमा राखिएको योजनाको फोटो कपी गरेर नगर्ने बताएका छन् । “मैले गुल्मी जिल्लामा गरेका विकासहरु ओझेलमा परेका छन्”, गुल्मीको तम्घासमा सोमवार आयोजित पत्रकार सम्मेलनमा नेता ज्ञवालीले भने पत्रकार सम्मेलनमा नेता ज्ञवालीले विपक्ष नेताहरुलाई व्याङ्ग गर्दै भने, “अरुले जस्तो फोटोकपी र फेसवुकवाजी गरेर मैले प्रचारको विकास होईन साँचो अर्थमा विकास गर्दै आएको छु र आगमी दिनमा पनि त्यही गर्ने छु ।”

राष्ट्रिय राजनीतिमा व्यस्त भएर जिल्लावासीलाई कम समय दिएको पत्रकारहरुले ध्यनकृष्ट गराउँदा उनले उक्त कुरा स्वीकार गर्दै आफु केन्द्रिय राजनीतिमा व्यस्त भए पनि जिल्लाको हरेक विकास निर्माणमा अरु नेताहरु जस्तै लागि पर्दै आएको बताएका थिए । एउटा नेताले पारेको विकास निमार्ण समेत आफुले पारेको भन्दै कतिपयले प्रचार गर्ने गरेको भन्दै नेता ज्ञवालीले आफुले गरेका विकास कार्यहरु ओझेलमा परेको र आफुले उत्तर पनि ओझेलबाटै दिने बताए ।

पछिल्ला विकास निर्माण मात्र नभई तानसेन तम्घास, रिडी रुद्रवेणी वामीटक्सार र कालिगण्डकी कोरीडोर सम्मको विकास निर्माण अगाडी बढाउन नेकपा एमालेको भुमिकालाई स्मरण गर्न आग्रह गरे । गुल्मीको क्षेत्र नम्वर १ बाट प्रतिनिधी सभा सदस्यका लागि पार्टीबाट सर्वसम्मत भई जिल्ला आएका ज्ञवालीले अघिल्लो संविधान सभाको निर्वाचनमा आफ्नो हारलाई समान्य रुपमा लिएको कुरा दोहो¥याए ।

अघिल्लो निर्वाचनको हार लगत्तै मर्मस्पर्शी फेशवुक स्टाडस लेखेर धेरैको मन छुन सफल ज्ञवालीले भने–चुनावमा हारजित जिवनको रित हो, मैले सामन्य रुपमा लिएको छुृ , यसपाली गुल्मीमा वामगठवन्धनले दुई वटै प्रतिनिधी सभा र ६ वटै प्रदेश भारी मत लिएर जित्ने निश्चित छ । गुल्मी क्षेत्र नम्वर १ वटा आफु , दुईबाट अर्का सचिव गोकर्णराज विष्ट चुनाव लड्ने निश्चित भएको र क्षेत्र नम्वर १ को एक प्रदेश र दुई एक प्रदेश सहित दुई वटा प्रदेश माओवादी केन्द्रले टिकट पाउने भएको उनले जानकारी दिए ।

गुल्मीमा एमालले दुई वटै प्रतिनिधी सभा सदस्य पाएको सट्टामा छिमेकी जिल्ला अर्घाखाँचीबाट माओवादी केन्द्रका नेता टोपबहादुर रायमाझीलाई प्रतिनिधी सभाको संयुंक्त उमेदवार बनाउन लागिएको समेत उनले बताए । कम्युनिष्टहरु विच चुनावी तालमेल मात्र नभई पार्टी एकताको थालनी भई रहेको बताउँदै नेकपा एमाले, माओवादी केन्द्र, राष्ट्रिय जनमोर्चाका कार्यकर्तालाई कुनै आशंका नगरी ढुक्क र एकताबद्ध भएर चुनावको तयारीमा जुट्न उनले आग्रह गरे । उनले थपे–‘ अरु कम्युनिष्टहरु विच पनि एकता हुँदै छ हामी तिन दल विच चुनावी तालमेल भई सकेको छ र संयुक्त निर्वाचन परिचालन कमिटी अव छिट्टै गठन गरिदै छ ।’

ज्ञवालीले आफुले जितेमा शिद्धवावाको खतराबाट मुक्त गर्नृ सुरुङ मार्ग निमार्ण गर्ने , बुटवल तानसेन तम्घास सडक खण्डलाई आठ फिट चौडा बनाउने , जनतालाई आत्मनिर्भर बनाउन बैदेशिक रोजगकारमा जाने गुल्मेलीहरुलाई शेयर होल्डर बनाएर उद्योगहरु खोल्ने , फास्टट्रयाकलाई छिट्टै सम्पन्न गरेर तराईसंग जोड्ने र विशेषतः गरिवीबाट जनतालाई मुक्त गर्नेमा जोड दिने बताए ।

देशमा दुई वटा भन्दा बढि पार्टी आबश्यक छैन

नेकपा एमालेका सचिव प्रदिपकुमार ज्ञवालीले अव यो देशमा दुई वटा भन्दा बढि पार्टी आबश्यक नरहेको बताएका छन् । ‘देशका सवै कम्युनिष्टहरु विच एउटै पार्टी बनाउने पकृया सुरु गरी सकेका छौं, अव कांग्रेसले पनि गैह्र कम्युनिष्टहरु विच एकता प्रकृया सुरु गरोस भन्ने सुझाव दिन चाहन्छु’–गुल्मीको तम्घासमा सोमवार आयोजित पत्रकार सम्मेलनमा नेता ज्ञवालीले भने–‘अव देशमा दुई वटा पार्टी भन्दा बढिको अवश्यक छैन् ।’

विश्वका कतिपय मुलुकमा कम्युनिष्टहरुलाई छिन्नभिन्न र असफल पार्ने प्रयास भई रहेका बेला नेपालमा वाम एकताको थालनीले अन्य विभिन्न शक्तिहरु अत्तालिएको बताउँदै उनले कांग्रेस सभापति एवं प्रधानमन्त्री शेरबहादुर देउवा जस्तो व्यक्तिलाई गैह्र राजनैतिक अभिव्यक्ति नदिन समेत सुझाव दिए । उनले भने–‘नेपालका हरेक आन्दोलन र सरकारमा समेत कहिले कांग्रेस माआवोदी कहिले एमाले कांग्रेस र माआवादी मिलेर सरकार समेत चलाई सकेको हुँदा प्रधानमन्त्री देउवाले वामएकताबाट कम्युनिष्ट अधिनायकवाद आउने भो भनेर भन्नु हतास मनस्थितीको गैह्र जिम्मेवार अभिव्यक्ति बाहेक अरु केहि हुन सक्दैन् ।’
उनले वामगठवन्धन र एकताका लागि अव छिट्टै ५ बुँदे घोषणा पत्र जारी गर्ने जानकारी समेत दिए । त्यस पाँच बुँदे घोषणा पत्रमा संविधानको रक्षा र प्रयोग । हिजो संविधान सभा माओवादीले ल्यायो , त्यसलाई हामीले आत्मासात ग¥यौं, त्यसको रक्षा र प्रयोग गनेृ दायित्व पनि हाम्रो नै हो, उनले पहिलो बुँदा वारे यसरी प्रष्ट पारे । वामगठबन्धनले आर्थिक समृद्धिमा जोड दिने , वलियो राष्ट्रियता , समावेश िविकास र सुशासन उसको मुख्य एजेण्डा हुने उनले जानकारी दिए । उनले वामएकताका लागि यति वेला प्रत्येक कम्युनिष्ट सदस्यहरुले अनुशासित र वलिदानी पुर्ण व्यवहार देखाउन अपिल गरे ।
हिजो हामी कम्युनिष्टहरु नै एक अर्काका दुश्मन जस्तो , एक अर्कालाई निषेधको व्यवहार ग¥यौं , त्यो गलत थियो , अव हामी एक भएर जुट्यौं भने विश्वमा एउटा उदाहरण हुने छ र विश्वकम्युनिष्ट आन्दोलनलाई नयाँ उचाईमा पुराउने छौ नेता ज्ञवाललिे मेरो अपिल छ यति वेला हर कम्युनिष्ट सदस्यले त्यागी र वलिदानीपुर्ण व्यवहार देखाएर पार्टीको अनुशासन भित्र रहनु हुने छ ।’

थप देखाउनुहोस्
यो पनि पढ्नुहोस्:
Close
Back to top button
error: जान्नेले जसरी नि चोर्छन/सार्छन्, नजान्नेलाई खुच्चिङ :D