अपराध

बञ्चरोले हानेर श्रीमतीको हत्या

प्रेम सुनार
बुटवल, कार्तिक १२ । कपिलबस्तुको शिवराज नगरपालिका– १ बनकट्टामा बन्चरो प्रहार गरी श्रीमानले श्रीमतीको हत्या गरेका छन ।

गए राती राती घरयासी झगडा हुँदा ४० बर्षिय बसन्त परियारले श्रीमती ३५ बर्षिया सुमित्रा परियारको हत्या गरेको वडा प्रहरी कार्यालय चन्द्रौटाले जनाएको छ । मजदुरी गरी खाने परियारले मादक पदार्थ सेवन गरी झगडा गर्दै आएका थिए । गएराती छोराछोरी सुतिसकेको समयमा बन्चरो प्रहार गरी हत्या गरेको प्रहरीको भनाई छ ।

मृतकको टाउको र हातमा चोट देखिएको वडा प्रहरी कार्यलय चन्द्रौटाका प्रहरी निरीक्षक महेश्वर उपाध्ययले बताए । हत्यारा फरार रहेको र खोजी कार्यजारी रहेको वडा प्रहरी कार्यालय चन्द्रौटाले जनाएको छ ।

शव पोस्टमाटमको लागि शिवराज अस्पताल बहादुरगंज लगिएको र घटनाको थप अनुसन्धान भइरहेको प्रहरीले बताएको छ । परियारका २ छोरा र १ छोरी छन ।

थप देखाउनुहोस्
यो पनि पढ्नुहोस्:
Close
Back to top button
error: जान्नेले जसरी नि चोर्छन/सार्छन्, नजान्नेलाई खुच्चिङ :D