निर्वाचन अप्डेट

प्रकाशमान सिंहले खोले कांग्रेसको खाता, रबिन्द्र मिश्र पराजित

मिश्रले सिंहलाई टेलिफोन गरेर दिए जितको बधाई

काठमाडौं, मंसिर २३ । नेपाली कांग्रेसका प्रकाशमान सिंह विजयी काठमाडौं क्षेत्र नम्बर १ मा बिजयी हुँदै प्रतिनिधि सभा निर्वाचनमा कांग्रेसको जितको खाता खोलेका छन् । बहुचर्चित काठमाडौं क्षेत्र नम्बर १ बाट प्रतिनिधि सभा सदस्यको लागि कांग्रेस नेता प्रकाशमान सिंहले निकटतम प्रतिस्पर्धी विवेकशील–साझाका उम्मेदवार रविन्द्र मिश्रलाई पराजित गरेका हुन् । मिश्र ८ सय १८ मतअन्तरले पराजित भएका हुन् ।

सिंहले १० हजार ९ सय ३६ मत पाए भने मिश्रले १० हजार १ सय १८ मत पाए । वाम गठबन्धनका तर्फबाट उम्मेदवार भएका अनिल शर्माले ५ हजार ३ सय ३६ मत पाए ।

काठमाडौं क्षेत्र नम्बर १ मा सिंहका प्रतिस्पर्धी विवेकशिल साझा पार्टीका उम्मेदवार रविन्द्र मिश्रले सिंहलाई टेलिफोन गरेरै बधाई दिएको उनले आफ्नो फेसबुकमार्फत जानकारी दिएका छन् । सिंह प्रतिनिधिसभामा नेपाली कांग्रेसबाट विजयी हुने पहिलो नेता बनेका छन् ।

थप देखाउनुहोस्
Back to top button
error: जान्नेले जसरी नि चोर्छन/सार्छन्, नजान्नेलाई खुच्चिङ :D