समाचार

पीडितलाई कांग्रेसको सहयोग: उपचार खर्च नभएर आमा मरिन्, घरमा क्रिया खर्च समेत छैन

सन्तोष महतारा
गुल्मी, भदौ १४ । जिल्लाको रेसुङ्गा नगरपालिका वडा नम्बर ६ कि भुमकला पून केहि दिन अघि बिरामीका कारण मरिन् । गरिब परिवार, त्यसैमाथि क्यान्सर रोग लागेपछि धेरै ठाउँमा उपचार गर्न लगे पनि निको भएन, अस्पतालले घर फर्काइदियो । घरमा आएको केहि दिनपछि उनको ज्यान गयो । उपचार खर्च अभावकै कारण उनी संसारबाट विदा भइन् । उनी त मरिन् तर बाँचेकाहरु झन् बिचल्लीमा परे ।

५० बर्ष काटेका बृद्ध श्रीमान्लाई झन् फसाद पर्यो । जेठो छोरीको पहिल्यै विवाह भएको थियो । जेठो छोरा जित वहादुर पून भर्खरै १९ बर्षका भए । उनी गाउँमा नै बस्थे, पढाइ पनि त्यति धेरै भएन । साक्षर त भए तर धेरै पढ्न सकेनन् । कान्छो छोरा १० कक्षामा पढ्ने, परिक्षा आइसकेको, आमालाई क्यान्सर रोग लागेको थाहा पाए । पढाइ भन्दा आमाको चिन्ताले सताउन थाल्यो । आमा उपचारको क्रममा अस्पतालमा, त्यसैमाथि पनि घरमा आर्थीक अभाव । परिक्षा पनि राम्रो भएन । नभन्दै रिजल्ट आउँदा एउटा बिषयमा फेल देखायो । रिजल्टले कुनै चिन्ता थिएन तर आमालाई लागेको रोगले पिरोलिन्थे ।
आमा उपचारका लागि अस्पतालमा भर्ना थिइन् । उनी भने ग्रेड बृद्धि परिक्षाको तयारीमा । ग्रेड बृद्धिको परिक्षा र आमाको मूत्यु एकैपटक भयो । परिक्षा दिँदै गर्दा पनि बिरामी आमालाई सम्झिएको उनी बताउँछन् ।

जित बहादुर र रोम बहादुर पून अहिले आमाको किरियामा छन् । खाने चामल छैन । खानेपानी ल्याउन आधा घण्टाको बाटो डोकोमा बोकेर ल्याउनुपर्दछ । दुई भाइ किरियामा, बृद्ध बुबा झन् बढी तनाबमा परे । घरमा आम्दानीको कुनै श्रोत नभएको डिम बहादुर पूनले बताए । उनले भने “हातमुख जोड्नलाई घरमा केहि छैन ।”

यस्तो दुःख देखि पछि नेपाली काङ्ग्रेस वडा कार्यसमिति रेसुङ्गा गरपालिका वडा नम्बर ६ ले आर्थीक सहयोग गरेको छ । वडा भित्रका काङ्ग्रेस प्रति आस्थावान् तथा संघसंस्थाका प्रमुख प्रतिनिधिको अगुवाईमा १५ हजार रुपैँया सहयोग गरेको छ । त्यस्तै सोहि वडाकै थाममा बिरामी परेकी पार्वती विकलाई पनि १० हजार रुपैँया हस्तान्तरण गरिएको छ ।

सहयोग रकम हस्तान्तरण गर्दे नेपाली काङ्ग्रेस जिल्ला कार्य समिति गुल्मीका सचिव खिलध्वज पन्थीले स्थानिय सरकार कहाँ गएछ भन्दै प्रश्न उठाएका थिए । “यस्तो अवस्था छ तर वडाका प्रतिनिधिहरु कता छन्”, उनले भने, “गरिब, असहाय, दुखीको लागि तिन वटै सरकारको ध्यान पुगेन ।”

थप देखाउनुहोस्
यो पनि पढ्नुहोस्:
Close
Back to top button
error: जान्नेले जसरी नि चोर्छन/सार्छन्, नजान्नेलाई खुच्चिङ :D