शिक्षा

ठुलाखर्क प्राविमा मुनपाले आफ्नै खर्चमा शिक्षक राखीदिने, अभिभावकको आन्दोलन थामियो

अनिश शर्मा गैरे
गुल्मी, १९ माघ । मुसिकोट नगरापलिका ८ वामी ठुलाखर्कमा रहेको ठुलोखर्क प्राविमा नगरपालिकाले यस शैक्षिक सत्रको लागि आफ्नै खर्चमा शिक्षक राखीदीने भएको छ ।

नगरपालिकाले शिक्षक राखीदिने भएपछि अभिभाबकको आन्दोलन पनि थामीएको छ । नगरपालिकाका शिक्षा शाखा प्रमुख अमर केसीले नगरपालिकाका खर्चमो शिक्षक राखीदिने निर्णय भएको फोन मार्फत जानकारी दिनुभएको बिद्यालयमा शिक्षक बेद प्रसाद खरालले जानकारी दिए ।

नगरपालिकाले बिद्यार्थी संख्या कम भएका बिद्यालयहरुमा शिक्षकहरुको दरबन्दी मिलानको कार्यक्रम ल्याएको थियो । सो अनुरुप गत साउन १३ गते ठुलोखर्क प्राविको पनि एउटा दरबन्दी काटिएको थियो ।

केही दिन अघि मात्र बिद्यालयका शिक्षक ओमकार लामिछानेलाइ वामी मैदानको शारदा बिद्या मन्दिर माबिमा सरुवा गरीपछि बिद्यार्थीको पढाइ अन्योल भएको भन्दै अभिभाबहकहरु आन्दोलित बनेका थिए । उनीहरुले नगरपालिकालाइ यो निर्णय फिर्ता लिन आग्रह गर्दे ज्ञापन पत्र समेत बुझाएका थिए ।

थप देखाउनुहोस्
यो पनि पढ्नुहोस्:
Close
Back to top button
error: जान्नेले जसरी नि चोर्छन/सार्छन्, नजान्नेलाई खुच्चिङ :D