अपराध

गुल्मी प्रहरीले एक दिनमै २ क्विन्टल गाँजा नष्ट गर्‍यो, गाँजा फडानी अभियान शुरु

टोपलाल अर्याल
गुल्मी, १८ भदौ । जिल्ला प्रहरी कार्यालय गुल्मीले गाँजा फडानी गर्ने अभियान शुरु गरेको छ । अभियानको शुरुवात सदरमुकामबाटै भएको छ । प्रहरीले बाख्रेछेडा, उदिनढुङ्गा र बसपार्कमा गरेर दुई क्विन्टल गाँजा नष्ट गरेको छ । केहि सार्वजनिक स्थल र व्यतिmले आफ्नो बारीको डिलमा हुर्काएका गाँजाका बोटहरु नष्ट गरेको जिल्ला प्रहरी कार्यालय गुल्मीका निमित्त प्रहरी प्रमुख प्रहरी नायव उपरिक्षक गंगा थापाले बताए ।

gulmi poilice gaja
लागुऔषध ओसार पसार छैन, प्रयोगकर्ता बढ्दै
जिल्लामा लागुऔषध प्रयोगकर्ता बढ्दै जान थालेपछि अभियान संचालन गरेको प्रहरी नायव उपरिक्षक थापाले बताए । अहिले थापाकै कमाण्डमा प्रहरी टोलीले अनुगमन तथा सुचना संकलन गरिरहेको छ । बिस्तारै सवै स्थानमा सवैको सहयोगबाट गाँजालाई मुक्त गरिन उनले बताए । ‘जिल्लामा व्यावसायीक रुपमा गाँजा खेती छैन, तर प्रयोकर्ता प्रहरीको हिरासतमै उदाहरणका रुपमा छन्, थापाले भने,’ बिस्तारै सचेतना र कार्बाहि बढाउनुपर्छ ।’ आफ्नो वरीपरी कहिँकतै व्यति वा सार्वजनिक स्थलमा गाँजा खेती गरिएको भए प्रहरीलाई तुरुन्त जानकारी दिन निमित्त प्रहरी प्रमुख थापाले आग्रह गरे ।

स्थानीय भन्छन् ःऔषधी, प्रहरी भन्छ ः बाहाना
गाउँमा पशुचौपाय विरामी हुदा गाँजा खुवाउदा ठिक हुने भएकाले गाँजाको वोट हुर्काएको स्थानीय बताउँछन् । तर प्रहरीले पशुचौपायका लागि भन्ने बहाना मात्रै भएकाले गाँजाका वोट राख्नु र हुर्काउनु अवैध भएकाले काट्नुपर्ने बताएको छ । जिल्लामा व्यवसायीक रुपले गाँजा खेती नगरिएको भएपनि हरेक घरधुरीमा गाँजाका बोटहरु रहेको प्रहरीले जनाएको छ । ग्रामिण क्षेत्रमा स्थानीयले अचारको दाउन बनाउन, औषधी बनाउन, तथा शिवरात्रीमा प्रसाद बनाउन गाँजा अर्थात भाँगोको प्रयोग गर्ने गर्दछन् ।

बालबालिका समेत संलग्न
अहिले जिल्लामा यसका प्रयोगकर्ता बढदै जान थालेका छन् । जिल्लाका विभिन्न होटल, चोक र गल्लीहरुमा गाँजा सेवन गर्नेहरु बढ्दै गएको गुनासा आउन थालेपछि प्रहरी थप सक्रिय भएको छ । बाटोमा हिडने सडक बालबालिका, तथा बालश्रमिकहरु पनि दुव्र्यसनीमा फस्दै गएका छन् । ‘साना बालबालिकाहरु नसामा लट्ठिएर चोकहरुमा बसेका भेटिन्छन्,’तम्घासका बिनोद प्रसाद पाण्डेयले भने,’ यो भोलीको लागी चुनौति हो, अभिभावक बेलेमा चनाखो बन्नुप¥यो ।’ शनिबार चोरीको आशंकामा ल्याइएका पाँच जना बालकहरु नै कुनै न कुनै दुव्र्यसनीमा फसेका थिए । ‘सवै बालबालिका अभिभावको गैर जिम्मेवारीका कारण कुलतमा फसेका छन्,’प्रहरी निरिक्षक डाक्टर प्रसाद चौधरीले भने,‘ बुझदै जाँदा उनीहरुले चुरोट, रक्सीदेखि सुलेक्सन समेत सेवन गर्ने गर्दछन् ।’

थप देखाउनुहोस्
यो पनि पढ्नुहोस्:
Close
Back to top button
error: जान्नेले जसरी नि चोर्छन/सार्छन्, नजान्नेलाई खुच्चिङ :D