शिक्षा

गुल्मीमा ३०० शिक्षकलाई भर्चुअल अंग्रेजी भाषा शिक्षण तालिम

गुल्मी, साउन २४ । गुल्मीका शिक्षकहरुलाई भर्चुअल तालिम प्रदान गरिएको छ । ​नेपाल इङ्लिस ल्याङ्ग्वेज टिचर्स एशोसिएशन (नेल्टा) गुल्मीले जिल्लाका ३०० भन्दा बढी शिक्षकहरूलाई अंग्रेजी भाषा शिक्षणका नयाँ आयाम र सीपबारे जानकारी दिन भर्चुअल तालिम प्रदान गरिएको हो ।

जिल्लाका १२ वटै स्थानीय तह र शिक्षा विकास तथा समन्वय इकाई गुल्मीको समन्वयमा ३ दिने भर्चुअल तालिमको आयोजना गरेर ३०० भन्दा बढी अंग्रेजी शिक्षकलाई तालिम दिइएको हो ।

कोरोना भाइरसका कारण भीडभाड गर्न नहुने भएकाले भर्चुअल तालिम नै उपयुक्त ठानेर साउन छ देखी २३ सम्म भर्चुअल तालिम सन्चालन गरेको आयोजना गरेको नेल्टा गुल्मीका अध्यक्ष कृष्णप्रसाद मरासिनीले जानकारी दिए ।

प्राध्यापक डाक्टर जयराज अवस्थी, गोविन्दराज भट्टराई, लक्ष्मण ज्ञवाली, एसोसियट प्राध्यापक गंगाराम गौतम, मीरा श्रेष्ठ, उप प्राध्यापक अशोक सापकोटा, अमेरिकी राजदूतावासका विशेषज्ञ विश्वराज गौतम, ब्रिटिस काउन्सिलकी शिक्षा प्रमुख वैशाली प्रधान, हेमन्तराज दाहाल, होमराज खडका, गोपालप्रसाद बस्याल र सुनिता स्वाँर लगायतले तालिममा सहजीकरण गरेका थिए ।

थप देखाउनुहोस्
यो पनि पढ्नुहोस्:
Close
Back to top button
error: जान्नेले जसरी नि चोर्छन/सार्छन्, नजान्नेलाई खुच्चिङ :D